ᱮᱱᱮᱡ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search

ᱮᱱᱮᱡ

ᱵᱷᱟᱨᱚᱛᱤᱭᱟ. ᱮᱱᱮᱡ

ᱮᱱᱮᱡ ᱦᱚᱸ ᱢᱟ.ᱱᱢᱤᱭᱟᱜ ᱵᱷᱟᱵᱽᱱᱟ, ᱵᱮᱵᱷᱟᱨ ᱨᱮᱭᱟᱜ ᱢᱤᱫ ᱞᱮᱠᱟᱱ ᱩᱫᱩᱜ ᱥᱚᱫᱚᱨ ᱠᱟᱱᱟ ᱾ ᱱᱚᱣᱟ ᱦᱚᱸ ᱢᱤᱫ ᱞᱮᱠᱟᱱ ᱵᱟᱰᱚᱦᱤ ᱠᱟᱱᱟ, ᱡᱟᱦᱟᱸ ᱨᱮᱭᱟᱜ ᱥᱤᱨᱡᱚᱱ ᱢᱟ.ᱱᱢᱤ ᱡᱤᱭᱚᱱ ᱥᱟᱶ ᱜᱮ ᱦᱩᱭ ᱛᱟᱨᱟ ᱟᱠᱟᱱᱟ ᱾ ᱵᱟᱞᱚᱠ ᱡᱟᱱᱟᱢ ᱥᱟᱶᱛᱮ ᱨᱟᱜ ᱟᱛᱮ ᱟᱡᱟᱜ ᱛᱤ ᱡᱟᱸᱜᱟ ᱦᱤᱞᱟ.ᱣ ᱯᱷᱟᱸᱫᱟ ᱟᱛᱮ ᱱᱚᱣᱟᱭ ᱥᱚᱫᱚᱨ ᱟ ᱡᱮ ᱩᱱᱤ ᱫᱚ ᱨᱮᱸᱜᱮᱡ ᱟᱠᱟ ᱫᱮᱭᱟ ᱾ ᱱᱚᱣᱟ ᱦᱚᱲᱢᱚ ᱨᱮᱭᱟᱜ ᱦᱤᱞᱟ.ᱸ ᱞᱟᱲᱟᱣᱱᱟ ᱠᱷᱚᱱ ᱜᱮ ᱮᱱᱮᱡ ᱨᱮᱭᱟᱜ ᱜᱚᱲᱦᱚᱱ ᱫᱚ ᱦᱩᱭ ᱟᱠᱟᱱᱟ ᱾ ᱱᱚᱣᱟ ᱵᱟᱰᱚᱦᱤ ᱫᱚ ᱵᱚᱸᱜᱟ ᱵᱳᱨᱳ, ᱢᱟ.ᱱᱢᱤ ᱫᱟ.ᱱᱢᱤ ᱟᱨ ᱡᱤᱵᱽ ᱡᱟᱱᱣᱟ ᱠᱚᱦᱚᱸ ᱟ.ᱰᱤ ᱠᱚ ᱠᱩᱥᱤᱭᱟᱜᱼᱟ ᱾ ᱵᱷᱟᱨᱚᱛᱤᱭᱟ. ᱫᱷᱚᱨᱚᱢ ᱯᱩᱛᱷᱤ ᱨᱮᱫᱚ ᱮᱱᱮᱡ ᱫᱚ ᱵᱟ.ᱲᱤᱡ ᱱᱟᱥ ᱟᱨ ᱵᱚᱸᱜᱟ ᱵᱳᱨᱳ ᱥᱟᱶ ᱧᱟᱯᱟᱢ ᱨᱮᱭᱟᱜ ᱢᱤᱫ ᱰᱟᱦᱟᱨ ᱢᱮᱱᱛᱮ ᱢᱟᱱᱟᱣ ᱵᱟᱛᱟᱣ ᱢᱮᱱᱟᱜᱼᱟ ᱾ ᱚᱢᱨᱩᱛ ᱢᱚᱱᱛᱷᱚᱱ ᱠᱮᱫ ᱛᱟᱭᱚᱢ ᱛᱤᱱ ᱡᱚᱦᱚᱜ ᱵᱟ.ᱲᱤᱡ ᱨᱟᱠᱟᱥ ᱠᱚ ᱡᱤᱭᱟ.ᱛ ᱧᱟᱢ ᱨᱮᱭᱟᱜ ᱮᱴᱠᱮᱴᱚᱬᱮ ᱡᱟᱱᱟᱢ ᱮᱱᱟ, ᱩᱱ ᱡᱚᱦᱚᱜ ᱵᱷᱚᱜᱚᱵᱟᱱ ᱵᱤᱥᱱᱩ ᱢᱳᱦᱤᱱᱤ ᱭᱟᱜ ᱨᱩᱯ ᱦᱟᱛᱟᱣ ᱠᱟᱛᱮ ᱟᱡᱟᱜ ᱮᱱᱮᱡ ᱦᱚᱛᱮᱛᱮ ᱯᱮ ᱯᱩᱨᱤ ᱨᱟᱠᱟᱥ ᱴᱷᱮᱱ ᱠᱷᱚᱱ ᱮ ᱫᱩᱜ ᱵᱟᱧᱪᱟᱣ ᱞᱮᱜᱼᱟ ᱾

ᱞᱮᱠᱟᱱ ᱞᱮᱠᱟᱱ ᱵᱷᱟᱨᱚᱛᱤᱭᱟ. ᱮᱱᱮᱡ

ᱵᱷᱟᱨᱚᱛᱤᱭᱟ. ᱮᱱᱮᱡ ᱦᱚᱸ ᱩᱱᱟ.ᱜ ᱜᱮ ᱞᱟᱮᱠᱟᱰ ᱞᱮᱠᱟᱱᱟᱜ ᱢᱮᱱᱟᱜᱼᱟ, ᱡᱟᱦᱟᱸ ᱛᱤᱱᱟ.ᱜ ᱟᱵᱚᱣᱟᱜ ᱞᱟ.ᱭᱞᱟᱠᱪᱟᱨ ᱢᱮᱱᱟᱜᱼᱟ ᱾ ᱤᱠᱷᱟ.ᱱ ᱱᱚᱣᱟ ᱫᱚ ᱵᱟᱨ ᱵᱷᱟᱜᱽ ᱨᱮ ᱦᱟ.ᱴᱤᱧ ᱦᱩᱭ ᱫᱟᱲᱮᱭᱟᱜᱼᱟ ᱼᱼ ᱠᱞᱟᱥᱤᱠᱟᱞ ᱮᱱᱮᱡ(Classical dance) ᱟᱨ ᱯᱷᱚᱞᱠ ᱮᱱᱮᱡ (Folk dance) ᱾ ᱱᱟᱦᱟᱜ ᱫᱚ ᱵᱳᱞᱤᱣᱩᱰ ᱮᱱᱮᱡ ᱦᱚᱸ ᱟ.ᱰᱤ ᱞᱮᱠᱟᱱᱟᱜ ᱦᱚᱲ ᱟ.ᱰᱤ ᱡᱩᱨ ᱠᱚ ᱠᱩᱥᱤᱭᱟᱜ ᱠᱟᱱᱟ, ᱡᱟᱦᱟᱸ ᱫᱚ ᱯᱷᱤᱞᱤᱢ ᱨᱮ ᱵᱮᱵᱷᱟᱨᱚᱜ ᱠᱟᱱᱟ ᱾ ᱱᱚᱣᱟ ᱮᱱᱮᱡ ᱨᱮᱫᱚ ᱵᱷᱟᱨᱚᱛ ᱨᱮᱭᱟᱜ ᱡᱮᱛᱮ ᱞᱮᱠᱟᱱ ᱥᱟᱶᱛᱟᱨᱤ ᱮᱱᱮᱡ ᱠᱚ ᱨᱮᱭᱟᱜ ᱥᱮᱞᱮᱫ ᱢᱮᱥᱟ ᱨᱮᱭᱟᱜ ᱦᱚᱸ ᱡᱷᱚᱞᱚᱠ ᱧᱮᱞᱚᱜᱼᱟ ᱾ ᱡᱟᱦᱟᱸ ᱞᱮᱠᱟ ᱵᱷᱟᱨᱚᱛ ᱫᱤᱥᱚᱢ ᱨᱮ ᱱᱟᱥᱮ ᱥᱟᱺᱜᱤᱧ ᱴᱚᱴᱷᱟ ᱛᱟᱭᱚᱢ ᱠᱷᱟᱱ ᱜᱮ ᱫᱟᱜ ᱟᱨ ᱨᱚᱲ ᱟᱲᱟᱝ ᱦᱚᱸ ᱵᱚᱫᱚᱞᱚᱜᱼᱟ ᱚᱱᱠᱟ ᱜᱮ ᱮᱱᱮᱡ ᱨᱮᱭᱟᱜ ᱛᱚᱦᱚᱨ ᱦᱚᱸ ᱟ.ᱰᱤ ᱞᱮᱠᱟᱱᱟ ᱾ ᱢᱩᱬ ᱞᱮᱠᱟᱛᱮ ᱵᱷᱟᱨᱚᱛᱤᱭᱟ. ᱥᱟᱶᱛᱟᱨᱤ ᱮᱱᱮᱡ ᱼᱼᱼ

● ᱠᱚᱛᱷᱚᱠ

● ᱳᱰᱤᱥᱤ

● ᱵᱷᱟᱨᱚᱛᱱᱟᱴᱭᱚᱢ

● ᱠᱩᱪᱤᱯᱩᱰᱤ

● ᱢᱚᱬᱤᱯᱩᱨᱤ ᱟᱨ

● ᱠᱚᱛᱷᱠᱚᱞᱤ ᱾

ᱥᱟᱱᱛᱟᱲ ᱥᱟᱶᱛᱟ ᱨᱮ ᱮᱱᱮᱡ

ᱵᱷᱟᱨᱚᱛ ᱫᱤᱥᱚᱢ ᱨᱮ ᱡᱟᱦᱟᱸ ᱛᱤᱱᱟ.ᱜ ᱮᱱᱮᱡ ᱢᱮᱱᱟᱜᱼᱟ ᱥᱟᱱᱛᱟᱲ ᱥᱟᱶᱛᱟ ᱨᱮ ᱚᱱᱟ ᱠᱷᱚᱱ ᱦᱚᱸ ᱵᱟ.ᱲᱛᱤ ᱜᱮ ᱮᱱᱮᱡ ᱫᱚ ᱯᱟᱞᱮ ᱢᱮᱱᱟᱜᱼᱟ ᱾ ᱥᱟᱱᱛᱟᱲ ᱥᱟᱶᱛᱟ ᱨᱮ ᱮᱱᱮᱡ ᱫᱚ ᱟ.ᱰᱤ ᱢᱟᱨᱟᱝ ᱥᱚᱢᱯᱚᱛᱤ ᱠᱟᱱᱟ ᱾ ᱮᱱᱮᱡ ᱵᱟᱝᱠᱷᱟᱱ ᱯᱟᱨᱟᱵᱽ ᱯᱩᱱᱟ.ᱭ, ᱵᱚᱸᱜᱟ ᱵᱳᱨᱳ, ᱵᱟᱯᱞᱟ, ᱵᱷᱟᱸᱰᱟᱱ, ᱡᱟᱱᱟᱢ ᱪᱷᱟ.ᱴᱭᱟ.ᱨ, ᱡᱟᱛᱨᱟ ᱯᱟᱛᱟ ᱚᱯᱩᱨᱩᱱ ᱜᱮᱭᱟ ᱾ ᱚᱠᱛᱚ ᱡᱟ.ᱱᱤ, ᱴᱚᱴᱷᱟ ᱡᱟ.ᱱᱤ ᱮᱱᱮᱡ ᱨᱮᱭᱟᱜ ᱧᱩᱛᱩᱢ ᱟᱨ ᱮᱱᱮᱡ ᱛᱚᱦᱚᱨ ᱦᱚᱸ ᱵᱷᱮᱜᱟᱨ ᱵᱷᱮᱜᱟᱨ ᱜᱮᱭᱟ ᱾ ᱢᱤᱫᱴᱟ.ᱝ ᱮᱱᱮᱡ ᱫᱚ ᱜᱚᱴᱟ ᱯᱟᱲᱟ ᱫᱚ ᱵᱟᱝ ᱦᱩᱭᱩᱜᱼᱟ ᱾

ᱮᱱᱮᱡ ᱨᱮᱭᱟᱜ ᱧᱩᱛᱩᱢ ᱠᱚ

ᱥᱟᱱᱛᱟᱲ ᱥᱟᱶᱛᱟ ᱨᱮ ᱟ.ᱰᱤ ᱞᱮᱠᱟᱱ ᱮᱱᱮᱡ ᱢᱮᱱᱟᱜᱼᱟ ᱟᱨ ᱡᱚᱛᱚ ᱮᱱᱮᱡ ᱨᱮᱭᱟᱜ ᱧᱩᱛᱩᱢ ᱵᱷᱮᱜᱟᱨ ᱵᱷᱮᱜᱟᱨ ᱜᱮᱭᱟ ᱾ ᱮᱱᱮᱡ ᱨᱮᱭᱟᱜ ᱛᱤᱱᱟ.ᱝ ᱜᱟᱱ ᱧᱩᱛᱩᱢ ᱼᱼᱼ

ᱫᱚᱝ ᱼ ᱪᱷᱟ.ᱴᱭᱟ.ᱨ ᱫᱚᱝ, ᱵᱟᱯᱞᱟ ᱫᱚᱝ, ᱵᱷᱟᱸᱰᱟᱱ ᱚᱠᱛᱚ ᱨᱮᱦᱚᱸ ᱫᱚᱝ ᱫᱚᱠᱚ ᱮᱱᱮᱡ ᱜᱮᱭᱟ ᱾ ᱫᱚᱝ ᱮᱱᱮᱡ ᱫᱚ ᱢᱤᱫ ᱦᱚᱲ ᱟᱨ ᱢᱤᱫ ᱦᱚᱲᱟᱜ ᱛᱤ ᱟᱨᱵᱟᱝ ᱛᱤᱛᱤ ᱥᱟᱯᱟᱵ ᱠᱟᱛᱮ ᱡᱟᱸᱜᱟ ᱠᱚᱞᱥᱟ ᱟᱛᱮ ᱠᱚ ᱮᱱᱮᱡᱼᱟ ᱾

ᱞᱟᱜᱽᱬᱮ ᱼ ᱞᱟᱜᱽᱬᱮ ᱫᱚ ᱢᱤᱫᱴᱟ.ᱝ ᱱᱚᱝᱠᱟᱱ ᱮᱱᱮᱡ ᱠᱟᱱᱟ, ᱱᱚᱣᱟ ᱮᱱᱮᱡ ᱫᱚ ᱡᱟᱦᱟᱸ ᱛᱤᱱ ᱨᱮᱜᱮ ᱡᱟᱦᱟᱸ ᱴᱚᱴᱷᱟ ᱨᱮᱜᱮ ᱮᱱᱮᱡ ᱜᱟᱱᱚᱜᱼᱟ ᱾ ᱥᱮᱫᱟᱭ ᱦᱟᱯᱲᱟᱢ ᱠᱚᱫᱚ ᱱᱚᱣᱟ ᱱᱚᱣᱟ ᱮᱱᱮᱡ ᱫᱚ ᱠᱟ.ᱢᱤ ᱞᱟᱸᱜᱟ ᱨᱟᱲᱮᱡ ᱮᱱᱮᱡ ᱢᱮᱱᱛᱮ ᱦᱚᱸᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱸᱫ ᱾ ᱥᱤᱸᱜᱟ.ᱲ ᱵᱮᱲᱟ ᱵᱟ.ᱲᱛᱤ ᱠᱚ ᱮᱱᱮᱡ ᱛᱟᱦᱮᱸᱫ ᱾ ᱚᱱᱟᱛᱮ ᱥᱤᱸᱜᱟᱹᱲ ᱞᱟᱜᱽᱬᱮ ᱮᱱᱮᱡ ᱢᱮᱱᱛᱮ ᱦᱚᱸ ᱠᱟᱛᱷᱟᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱦᱚᱸ ᱥᱟᱯᱟᱵ ᱠᱟᱛᱮ ᱡᱟᱸᱜᱟ ᱠᱚᱞᱥᱟ ᱮᱱᱮᱡ ᱜᱮ ᱾ ᱱᱚᱣᱟ ᱫᱚ ᱵᱚᱸᱜᱟ ᱮᱱᱮᱡ ᱢᱮᱱᱛᱮ ᱦᱚᱸ ᱥᱟᱶᱛᱟ ᱨᱮ ᱢᱟᱱᱟᱣ ᱵᱟᱛᱟᱣ ᱢᱮᱱᱟᱜᱼᱟ ᱾ ᱱᱚᱣᱟ ᱮᱱᱮᱡ ᱡᱚᱦᱚᱜ ᱫᱚ ᱥᱮᱨᱢᱟ ᱠᱷᱚᱱ ᱵᱚᱸᱜᱟ ᱵᱳᱨᱳ ᱠᱚ ᱦᱚᱸ ᱫᱷᱟ.ᱨᱛᱤ ᱛᱮ ᱟᱬᱜᱚ ᱦᱮᱡ ᱠᱟᱛᱮ ᱢᱟ.ᱱᱢᱤ ᱥᱟᱶ ᱠᱚ ᱮᱱᱮᱡ ᱢᱤᱫᱟ ᱢᱮᱱᱛᱮ ᱯᱟ.ᱛᱭᱟ.ᱣ ᱢᱮᱱᱟᱜᱼᱟ ᱾ ᱚᱱᱟᱛᱮ ᱥᱮᱫᱟᱭ ᱫᱚ ᱞᱟᱜᱽᱬᱮ ᱮᱱᱮᱡ ᱛᱟᱭᱚᱢ ᱫᱚ ᱡᱷᱚᱢ ᱡᱷᱚᱢ ᱥᱮᱨᱢᱟ ᱡᱟ.ᱲᱤ ᱦᱚᱸᱭ ᱡᱟ.ᱲᱤ ᱛᱟᱦᱮᱸᱫ ᱾

ᱵᱟᱦᱟ ᱮᱱᱮᱡ ᱺ- ᱵᱟᱦᱟ ᱫᱚ ᱥᱟᱱᱛᱟᱲ ᱠᱚᱣᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱵᱚᱸᱜᱟ ᱵᱳᱨᱳ ᱯᱟᱨᱟᱵᱽ ᱠᱟᱱᱟ ᱾ ᱟᱨ ᱱᱚᱣᱟ ᱫᱚ ᱡᱟᱦᱮᱨ ᱜᱟᱲ ᱨᱮ ᱵᱚᱸᱜᱟ ᱵᱳᱨᱳ ᱦᱩᱭᱩᱜᱼᱟ ᱾ ᱱᱚᱣᱟ ᱵᱚᱸᱜᱟ ᱡᱚᱦᱚᱜ ᱜᱮ ᱵᱟᱦᱟ ᱮᱱᱮᱡ ᱫᱚ ᱦᱩᱭᱩᱜᱼᱟ ᱾ ᱠᱩᱲᱤ ᱥᱩᱢᱩᱝ ᱜᱮᱠᱚ ᱮᱱᱮᱡᱼᱟ ᱟᱨ ᱠᱚᱲᱚ ᱦᱚᱯᱚᱱ ᱠᱚᱫᱚ ᱫᱚᱱ ᱮᱱᱮᱡ ᱠᱚ ᱮᱱᱮᱡᱼᱟ ᱾ ᱱᱚᱣᱟ ᱮᱱᱮᱡ ᱡᱚᱦᱚᱜ ᱠᱩᱲᱤ ᱠᱚᱫᱚ ᱵᱟᱝ ᱥᱟᱯᱟᱵ ᱠᱟᱛᱮ ᱠᱚ ᱮᱱᱮᱡᱼᱟ ᱾

ᱢᱟᱜ ᱢᱚᱬᱮ ᱺ- ᱢᱟᱜ ᱢᱚᱬᱮ ᱦᱚᱸ ᱡᱟᱦᱮᱨ ᱨᱮᱜᱮ ᱠᱚ ᱮᱱᱮᱡᱼᱟ ᱟᱨ ᱱᱚᱣᱟ ᱮᱱᱮᱡ ᱦᱚᱸ ᱵᱟᱦᱟ ᱮᱱᱮᱡ ᱞᱮᱠᱟ ᱜᱮ ᱛᱟᱦᱮᱸᱱᱟ ᱾

ᱱᱚᱣᱟ ᱠᱚ ᱥᱟᱶᱛᱮ ᱟᱨ ᱦᱚᱸ ᱟ.ᱵᱤ ᱠᱮᱠᱟᱱ ᱮᱱᱮᱡ ᱢᱮᱱᱟᱜᱼᱟ, ᱚᱱᱟ ᱠᱚᱫᱚ ᱦᱩᱭᱩᱜ ᱠᱟᱱᱟ-- ᱡᱷᱤᱸᱠᱟ., ᱞᱩᱦᱨᱤ, ᱰᱟᱱᱴᱟ, ᱥᱚᱦᱨᱟᱭ, ᱠᱟᱨᱟᱢ, ᱵᱩᱰᱷᱤᱜᱟ.ᱲᱤ, ᱵᱩᱨᱩ ᱡᱟᱛᱨᱟ/ᱰᱷᱟ.ᱵᱩᱞ, ᱫᱷᱚᱸᱜᱮᱲ, ᱟᱨ ᱦᱚᱸ ᱟ.ᱰᱤ ᱞᱮᱠᱟᱱᱟᱜ ᱮᱱᱮᱡ ᱥᱟᱱᱛᱟᱲ ᱥᱟᱶᱛᱟ ᱨᱮᱫᱚ ᱧᱮᱞᱚᱜᱼᱟ ᱾

ᱟᱨ ᱦᱚᱸ ᱧᱮᱞ ᱢᱮ

https://en.m.wikipedia.org/wiki/Art

https://en.m.wikipedia.org/wiki/Outline_of_performing_arts

https://en.m.wikipedia.org/wiki/Outline_of_dance

https://en.m.wikipedia.org/wiki/Index_of_dance_articles

ᱥᱟ.ᱠᱷᱭᱟ.ᱛ

https://books.google.com/books?id=K4FN1lOcR-wC&pg=PA43

https://web.archive.org/web/20110104220818/http://lodev.wesleyan.edu/wespress/acceleratedmotion/primary_sources/texts/ecologiesofbeauty/anthro_ballet.pdf

https://books.google.com/books?id=ze8TAQAAIAAJ

http://www.artsalive.ca/en/dan/dance101/forms.asp

https://en.m.wikipedia.org/wiki/Special:BookSources/9780835111867

ᱵᱟᱦᱨᱮ ᱡᱚᱱᱚᱲ

https://en.m.wikipedia.org/wiki/Encyclop%C3%A6dia_Britannica_Eleventh_Edition

http://www.gutenberg.org/etext/17289

https://web.archive.org/web/20060820155540/http://www.dancemuseum.org/